پس منظر، علامات اور روحانی حکمت

سوال: (سوال نمبر ۱۳۸، ص ۲۸۷)—گھر کے ہر فرد کے پاس کار تھی آج والد رکشہ چلاتے ہیں: والد صاحب کی ساری جوانی عیش و عشرت اور نافرمانی میں گزری۔ بہت مالدار تھے، گھر کے ہر فرد کے پاس کار تھی۔ پھر قدرت کے عتاب نے ایسا گھیرا کہ امیر سے فقیر ہو گئے اور اب کرایہ پر رکشہ چلاتے ہیں مگر اخراجات پورے نہیں ہوتے، میری تعلیم بھی چھوٹ رہی ہے۔ دعا بتائیں کہ قدرت کا عتاب ختم ہو جائے؟ جواب: اللہ تعالیٰ غفور الرحیم ہے۔ سچے دل سے آپ سب صاحبان توبہ کیجئے۔ تین رات عشاء کی نماز کے بعد سے فجر کی اذان تک آپ کی والدہ یا والد صاحب: 'يَا بَدِيعَ الْعَجَائِبِ بِالْخَيْرِ يَا بَدِيعُ' کا ورد کریں۔ پوری رات وظیفہ پڑھنے کے دوران گفتگو نہ کیجئے۔ وضو کی ضرورت پیش آئے تو وضو کر کے دوبارہ پڑھنا شروع کر دیں۔ تین دن شام کا کھانا نہ کھایا جائے، صرف چائے یا کافی پیئیں۔ رات کی نیند دن میں پوری کر لیں انشاء اللہ حالات سازگار ہو جائیں گے۔ جب حالات سازگار ہو جائیں تو اس بات کا بطورِ خاص خیال رکھیں کہ اللہ کی مخلوق کی دل آزاری نہ ہو۔

وظیفہ مبارک و نقش

ترکیب و طریقہ کار