پس منظر، علامات اور روحانی حکمت

سوال: (سوال نمبر ۱۱۵، ص ۲۷۵-۲۷۶)—مسئلہ کا نفسیاتی تجزیہ اور حل (روزنامہ جسارت، ۱۹۷۲ء): میرا ایک بہت ہی عزیز دوست مجھ سے ناراض ہو گیا ہے، میں نے ہر چند کوشش کی کہ دوستی بحال ہو جائے لیکن وہ کہتا ہے کہ میں اس کا دوست نہیں ہوں۔ میرے اعصاب پر اس کا شدید اثر ہوا ہے، بے چینی اور بے زاری میرے وجود کو گھن کی طرح کھا رہی ہے۔ مجھے بتائیے میرا عمل کیا ہونا چاہیے، ہم دونوں یونیورسٹی کے طالب علم رہے ہیں؟ جواب: آدمی کے اندر جذبات کی ایک رو ہوتی ہے، کبھی وہ تیز ہوتی ہے کبھی دھیمی۔ اسی رو کا نام شاعر اور تخیل پرست لوگ محبت رکھتے ہیں۔ یہاں ایک حقیقت کا پیشِ نظر رکھنا ضروری ہے کہ یہ رو جہاں بھی ختم ہوتی ہے وہاں ایک منشا شہود بنا لیتی ہے۔ یہ منشا شہود چاندنی بھی ہو سکتی ہے، سبزہ بھی ہو سکتا ہے، کوئی آدمی یا کوئی علم و فن جس میں کبھی کبھی استغراق ہو جاتا ہے۔ اس منشا شہود کو بدلنا انسان کے اپنے اختیار میں ہے۔ دراصل یہ بہت بڑی غلطی ہے کہ انسان اپنے منشا شہود کے ہاتھوں میں کھلونا بن جائے۔ فی الواقع انسانی طبیعت اتنی کمزور نہیں ہوتی بلکہ طبیعت کو بے دست و پا کر کے ڈال دیا جاتا ہے۔ آپ جس وقت یہ عزم کر لیں کہ ہم نے منشا شہود بدل دیا، بس وہ بدل گیا۔ اس میں صرف ایک لمحہ صرف ہوتا ہے۔ کسی تعمیری مقصد کو منشا شہود بنائیں اور اس طرف لگ جائیں۔ صرف ایک سیکنڈ میں آپ یہ بناوٹی خول جو انسان کو مقید کر دیتا ہے اتار کر پھینک سکتے ہیں۔ ہمت کیجئے اور اس خول کو فوراً اتار کر پھینک دیجیئے۔

وظیفہ مبارک و نقش

ترکیب و طریقہ کار