پس منظر، علامات اور روحانی حکمت

سوال: (سوال نمبر ۹۴، ص ۲۶۲-۲۶۳)—ایک چڑیل نمودار ہو کر مجھے منہ چڑھاتی ہے: رات کے وقت آنکھ لگتے ہی دیکھتا ہوں کہ طوفان آنے والا ہے، پھر اچانک کسی طرف سے شیر یا کتا آتا نظر آتا ہے۔ اس کے بعد ایک چڑیل نمودار ہو کر مجھے منہ چڑھاتی ہے، کلمہ پڑھنے کی کوشش کرتا ہوں لیکن زبان گنگ ہو جاتی ہے۔ جسم کے اوپر اس قدر دباؤ آ جاتا ہے کہ جیسے میرے اوپر کوئی پہاڑ گر گیا ہو۔ اس بیماری میں بچپن سے مبتلا ہوں، ڈاکٹروں نے جواب دے دیا ہے۔ جواب: دماغ کے اندر کام کرنے والے وہ خلیئے جو شعور و حواس کو اعتدال میں رکھتے ہیں، پیدائشی طور پر کمزور ہیں اور یہ کمزوری آپ کو اپنی والدہ سے منتقل ہوئی ہے۔ کسی فوٹو گرافر سے اپنے بالائی جسم کا پوسٹ کارڈ سائز نیگیٹو بنوا کر فریم کرا لیجئے۔ اس فریم شدہ نیگیٹو کو تقریباً پانچ فٹ کے فاصلے سے دن رات میں بار بار دیکھیں۔ کوشش کیجئے کہ نیگیٹو بینی کے وقت زیادہ سے زیادہ دیر آپ کی پلک نہ جھپکے۔ کھانوں میں مٹھاس کی مقدار میں اضافہ کر دیجئے۔ رات کو سوتے وقت اور صبح ناشتے میں ایک بڑا چمچ شہد کھائیے۔ بازار کا پسا ہوا نمک ہرگز نہ کھائیے۔ ۹۰ دن کے اس عمل سے انشاء اللہ آپ کی یہ پیدائشی کمزوری رفع ہو جائے گی۔

وظیفہ مبارک و نقش

ترکیب و طریقہ کار