پس منظر، علامات اور روحانی حکمت

سوال: (سوال نمبر ۹۱، ص ۲۶۱)—داغ بڑھتے بڑھتے ٹھوڑی تک آ گئے ہیں: میرے سینے اور سر میں سفید سفید داغ ہیں، ہم اسے پنجابی زبان میں 'میس' کہتے ہیں۔ ہر سال گرمیوں میں شدت ہو جاتی ہے اور داغ سرخ ہو کر اور ابھر آتے ہیں ایسی حالت میں کپڑے بھی نہیں پہنے جاتے۔ داغ بڑھتے بڑھتے ٹھوڑی تک آ گئے ہیں۔ سر کے بال بالکل پتلے ہو گئے ہیں اور سر میں خشکی کی تہیں جم جاتی ہیں گیلے آٹے کی شکل اختیار کر لیتی ہیں۔ پسینہ خشک ہونے پر سر میں خارش ہوتی ہے اور پھر زخم بن جاتے ہیں۔ ان زخموں میں خون کے بجائے سفید پانی سا خارج ہوتا ہے اور پھر سر میں کھرنڈ سے بن جاتے ہیں۔ تین چار ماہ بعد استرے سے سر منڈواتا ہوں جب تک بال نہیں اگتے آرام رہتا ہے، ورنہ ایک ہاتھ مسلسل سر میں رہتا ہے۔ جواب: چقندر اور اس کے پتوں کو پانی میں جوش دے کر جوشاندہ بنا لیں۔ اس جوشاندے سے دن میں دو مرتبہ سر کو اچھی طرح دھوئیں، خشک ہونے پر سر میں روغن زیتون کی مالش کریں۔ تین ہفتے تک نمک کھانا بالکل چھوڑ دیجیئے۔ پھیکے سالن استعمال کریں۔ ایک ماہ تک لال مرچ نہ کھائیں۔ لال مرچ کے بجائے ثابت کالی مرچ کا سالن پکوائیں۔ دو ماہ تک کسی بھی قسم کے گوشت سے پرہیز کریں۔ بازار کے پسے ہوئے مصالحے آپ کے لئے مضر ہیں۔ سبزیوں میں لوکی، ٹینڈے، توریاں اور پتوں والی سبزیاں آپ کے لئے مفید ہیں۔

وظیفہ مبارک و نقش

ترکیب و طریقہ کار