پس منظر، علامات اور روحانی حکمت

سوال: (سوال نمبر ۸۹، ص ۲۶۰)—مجھ کُبڑے سے شادی کون کرے گا: غالباً ۸ یا ۱۰ سال کی عمر سے جسمانی کمزوریوں، لاپرواہیوں اور والدین کی مجرمانہ غفلت کی وجہ سے میری پیٹھ کمان کی طرح مڑ گئی ہے۔ ڈاکٹروں، حکیموں اور ہومیوپیتھ سب نے کہا اس کا کوئی علاج نہیں سوائے ورزش کے جس سے ۱۰ فیصد بہتری کی امید ہے۔ گھر والے حوصلہ افزائی کے بجائے مذاق اڑاتے ہیں۔ اب شادی کی عمر ہے مگر یہ سوچ کر کانپ جاتا ہوں کہ مجھ کُبڑے سے کون شادی کرے گا؟ ہر طرف سے مایوس ہو چکا ہوں۔ جواب: بالکل فکر نہ کیجئے آپ کی شکایت کا علاج موجود ہے۔ اوسٹیو کیلشیم (Osteo-Calcium) کی گولیاں خرید کر رکھ لیجئے اور ہر کھانے کے بعد دو دو گولیاں کھا لیجئے۔ اس کے ساتھ ساتھ بازار سے نیلے رنگ کی شیشی فراہم کر لیجئے، رنگ بالکل صاف ہونا چاہئے۔ شیشی اتنی بڑی ہو کہ اس میں ایک سیر تیل آ جائے۔ اپنے ساتھ کھڑا ہو کر السی کا تیل نکلوائیں، اس تیل کو شیشی میں بھر کر مضبوط ڈھکن یا کارک لگا دیجئے۔ شیشی میں تیل اتنا بھریں کہ شیشی کا گلا خالی رہے۔ اس تیل سے بھری ہوئی شیشی کو ایسی جگہ رکھ دیں جہاں سارا دن دھوپ رہتی ہو۔ جس دن شیشی دھوپ میں رکھیں تاریخ نوٹ کر لیں۔ اگر چالیس دن کے دوران میں بادل چھا جائیں یا بارش ہو جائے تو یہ چالیس روز شمار نہیں ہوں گے، ان دنوں کا اضافہ کر کے چالیس دن پورے کریں، مثلاً اگر تین دن بادل چھائے رہیں اور ایک دن بارش ہو گئی ہے تو چالیس روز کے بجائے چوالیس دن کے بعد مقررہ جگہ سے بوتل اٹھائیں۔ رات کو سوتے وقت کمر میں ریڑھ کی ہڈی کے جوڑ پر جو کولہوں کے درمیان ہوتا ہے (Lumbosacral / Sacroiliac Joint) اس تیل کی مالش کریں۔ چند ہفتوں میں آپ کی کمر ٹھیک ہو جائے گی۔ جب تک تیل کی مالش ہو اوسٹیو کیلشیم کی گولیاں بھی کھاتے رہیں۔ یہ سو فیصد مجرب علاج ہے۔

وظیفہ مبارک و نقش

ترکیب و طریقہ کار