پس منظر، علامات اور روحانی حکمت

سوال: (سوال نمبر ۸۲، ص ۲۵۶-۲۵۷)—میں عملیات سیکھنا چاہتی ہوں: مجھے وظیفہ پڑھنے کا بہت شوق ہے، بیس پچیس بلکہ اس سے زیادہ وظیفے یاد ہیں۔ کیا اس کے لئے روحانیت کی ضرورت ہے؟ کسی کا مرید ہونا پڑتا ہے یا کسی مولوی مفتی سے یہ علم سیکھا جا سکتا ہے؟ کیا آپ مجھے یہ علم سکھا سکتے ہیں؟ جواب: روحانی علوم میں ایک شعبہ وظیفوں اور تعویذ گنڈوں کا بھی ہے۔ اس کے لئے بہت ریاضت اور مجاہدہ کی ضرورت ہوتی ہے۔ میری نظر میں ایسے بہت کم لوگ ہیں جو ریاضت اور مجاہدہ کی تکلیف برداشت کر سکتے ہیں۔ آپ کے لئے میرا مشورہ ہے کہ آپ وظیفوں اور عملیات کے چکر میں پڑنے کے بجائے سیدھی سادھی زندگی گزاریں اور نماز روزہ کی پابندی کریں۔ نماز روزہ کی پابندی سے بڑا کوئی وظیفہ نہیں ہے۔ ویسے آپ روحانی علم کے اس شعبہ کی جسے آپ عملیات کا شعبہ کہتی ہیں علمی توجیہ جاننا چاہتی ہیں تو خط و کتابت کے ذریعے آپ کی یہ خوشی پوری کی جا سکتی ہے۔ آپ جوابی لفافہ بھیج دیجئے اور سوالات کیجئے، مثلاً تعویذ کیا ہے؟ تعویذ میں قرآن کی آیتیں، ہندسے، دائرے اور تکون لکھنے کا کیا مطلب ہے اور ان سے تعویذ میں کیا کیا اثرات مرتب ہوتے ہیں وغیرہ۔

وظیفہ مبارک و نقش

ترکیب و طریقہ کار