پس منظر، علامات اور روحانی حکمت

سوال: (سوال نمبر ۶۸، ص ۲۴۹-۲۵۱)—وظیفہ پڑھنے کے بعد قلاش ہو گیا ہوں: میں نے لڑکی کو حاصل کرنے کے لئے اللہ الصمد کا وظیفہ بلا اجازت پڑھا، تیسویں دن جس نے بتایا تھا اس نے کہا ترکِ حیوانات سے چالیس روز پورے کرو۔ اس کے بعد رات کو سوتے میں وزنی شے گرنے لگی، ان دیکھی ہستی پاؤں کی طرف سے چادر کھینچنے لگی، کاروبار ختم ہوا، ایک ایک پیسے کا محتاج ہو گیا، جیل جانا پڑا اور ۳ سال قید ہوئی۔ اب خودکشی کے خیالات آتے ہیں۔ جواب: وظیفوں کے معکوس اثرات تین سال تک برقرار رہتے ہیں، یہ بات صحیح ہے۔ چونکہ آپ نے دو چلے کئے ہیں اور بتانے والا خود عامل نہیں تھا، اس لئے معکوس اثرات کی مدت چھ سال ہو گئی ہے۔ مجھے بہت افسوس ہے کہ آپ نے خواہ مخواہ وظیفہ پڑھ کر خود کو پریشانیوں اور الجھنوں میں گرفتار کر لیا۔ جو کچھ ہو چکا ہے اسے بھول جائیں۔ ہر وقت باوضو رہئے، نماز کی پابندی کیجئے۔ ہر نماز کے بعد تین مرتبہ 'یا حفیظُ' پڑھ کر ہاتھوں پر دم کر کے ہاتھ تین مرتبہ اپنے چہرے پر پھیر لیا کیجئے۔ طریقہ یہ ہو گا کہ دعا کی طرح ہاتھ باندھ لیں، تین مرتبہ 'یا حفیظُ' پڑھیں، ہاتھوں پر پھونک مار دیں اور ہاتھ تین مرتبہ چہرے پر پھیر لیں۔ تین بار 'یا حفیظُ' پڑھ کر پھونک ایک دفعہ مارنی ہے اور ہاتھ تین مرتبہ چہرے پر پھیرنے ہیں۔ انشاء اللہ اس عمل سے وظیفے کے معکوس اثرات جلد از جلد ختم ہو جائیں گے۔

وظیفہ مبارک و نقش

ترکیب و طریقہ کار