پس منظر، علامات اور روحانی حکمت

سوال: (سوال نمبر ۶۴، ص ۲۴۷)—ذہنی ہم آہنگی: نانا اور نانی آپس میں بہت لڑتے ہیں اور ایک دوسرے پر ناقابلِ بیان الزامات لگاتے ہیں، لوگ کہتے ہیں کہ کسی نے جادو کرا دیا ہے، میں ان باتوں پر یقین نہیں رکھتا۔ نانا نانی جوانی میں آزاد خیال تھے اب ایک دوسرے پر کیچڑ اچھالتے ہیں، خاندان کے دوسرے لوگ باتیں سن کر تفریح لیتے ہیں، اس عمر میں یہ باتیں کسی بھی طرح زیب نہیں دیتیں۔ میں سمجھتا ہوں قدرت ان کی جوانی کے زمانے میں آزاد خیالی اور معاشرے کی قدروں سے بغاوت کی سزا دے رہی ہے۔ ایسی باتوں سے ہمارے گھر کا ماحول متاثر ہوتا ہے اور ذہن میں ہیجان پیدا ہوتا ہے۔ مشورہ دیجئے کہ نانا نانی یہ باتیں کرنا چھوڑ دیں۔ جواب: نانا نانی جب گہری نیند سو جائیں تو ان کے سرہانے کھڑے ہو کر ایک ہفتہ تک یہ الفاظ پڑھیں۔ پڑھنے میں اتنی آواز ہو کہ ان کی آنکھ نہ کھلے۔ اس عمل کے وقت اگر وہ نیند سے بیدار ہو جائیں تو دوبارہ نیند گہری ہونے کا انتظار کیجئے۔ الفاظ یہ ہیں: 'نانی کا نام لے کر، نانا کا نام لے کر، تم ماضی کی وہ باتیں جن میں بد اخلاقی کا پہلو نمایاں ہے نہیں کرتی ہو، نہیں کرتے ہو۔'

وظیفہ مبارک و نقش

ترکیب و طریقہ کار