پس منظر، علامات اور روحانی حکمت

سوال: (سوال نمبر ۵۸، ص ۲۴۵)—آنتوں اور معدہ میں ہر وقت دکھن رہتی ہے: مجھے آٹھ برس سے گیس کا مرض ہے، اس مرض نے مجھے ہڈیوں کا ڈھانچہ بنا دیا ہے، آنتوں اور معدے میں ہر وقت دکھن رہتی ہے۔ ہفتہ میں تین چار مرتبہ سر میں اتنا شدید درد ہوتا ہے کہ بے ہوش ہو جاتی ہوں، اس کے بعد الٹیاں شروع ہو جاتی ہیں یہاں تک کہ معدہ کی سب رطوبت خارج ہو جاتی ہے، منہ کا مزا کڑوا رہتا ہے، رات کے وقت منہ سے رال بہتی رہتی ہے، بے انتہا حساس ہو گئی ہوں، ذرا سی بات پہاڑ بن کر دماغ پر گرتی ہے جس سے سارا جسم سن ہو جاتا ہے، سوائے رونے کے ہر چیز بھول جاتی ہوں، کسی جگہ زیادہ بیٹھنے سے ہڈیاں چٹختی ہیں۔ جواب: ٹھنڈا پانی پینا بالکل چھوڑ دیجئے، پانی نیم گرم پیا کیجئے۔ دو کپ پانی اسٹیل کی چھوٹی پتیلی میں جوش دیجئے، جب پانی اچھی طرح ابل جائے تو اس میں چھ ماشہ اسپغول ڈال کر چمچے سے پھینٹئے جس وقت اسپغول کا لعاب پوری طرح پانی میں آ جائے تو بقدرِ ضرورت اس میں چینی ڈال کر آگ پر سے اتار دیجئے اور ٹھنڈا کر کے کھا لیجئے۔ اسی طرح صبح نہار منہ اور رات کو سونے سے پہلے چھ چھ ماشہ اسپغول کی کھیر کھایا کریں۔ اس علاج کو اکیس (۲۱) روز بلاناغہ جاری رکھیں، انشاء اللہ آپ کی ساری شکایتیں رفع ہو جائیں گی۔

وظیفہ مبارک و نقش

ترکیب و طریقہ کار