پس منظر، علامات اور روحانی حکمت

سوال: (سوال نمبر ۵۴، ص ۲۴۳-۲۴۴)—میں نہیں چاہتا کہ میری وجہ سے وہ بدنام ہو جائے: میں ایک جگہ شادی کرنا چاہتا تھا شرم و حیاء کی وجہ سے والدین کے سامنے اپنی مرضی کا اظہار نہیں کر سکا۔ لڑکی کا رشتہ کسی اور جگہ طے ہو گیا ہے مگر ہر وقت اس کا تصور میرے ذہن پر چھایا رہتا ہے۔ ذہن سے جھٹکنے کی بہت کوشش کرتا ہوں مگر جس قدر اس تصوراتی دنیا سے فرار اختیار کرتا ہوں اتنی ہی شدت سے میں اس میں الجھتا چلا جا رہا ہوں، نوبت یہاں تک پہنچ گئی ہے کہ میں کسی کو مخاطب کرتا ہوں تو میرے منہ سے نام اس لڑکی کا نکلتا ہے۔ میں نہیں چاہتا کہ میری وجہ سے وہ بدنام ہو اور اس کی ازدواجی زندگی میں پھول نہ کھلیں۔ خدارا کوئی حل بتا دیجئے کہ اس صدمہ کو بھول جاؤں، نفسیاتی اور روحانی علاج تحریر فرمائیں۔ جواب: کسی چیز کو بھولنے کا نفسیاتی طریقہ یہ ہے کہ اس چیز کے خیال کو آنے دیا جائے، روکا نہ جائے۔ ہوتا یہ ہے کہ جب ہم کسی خیال کو بار بار رد کرتے ہیں تو اس خیال کے نقوش ذہن پر گہرے ہو جاتے ہیں۔ اس کی مثال بالکل ایسی ہے کہ ہم جب کسی چیز کو یاد کرنا چاہتے ہیں تو اس کو بار بار دہراتے ہیں۔ کسی بات کے بار بار دہرانے سے اس بات کے خدوخال ذہن کے اوپر نقش ہو کر گہرے ہو جاتے ہیں۔ اگر ایسی بات کو بھولنا چاہیں تو اس کا طریقہ یہ ہوتا ہے کہ جب بھی یہ نقوش ذہن کی سطح سے ابھر کر حافظہ میں آتے ہیں تو اس کو کوئی خاص اہمیت نہیں دیتے۔ کسی اور بات یا کسی اور خیال کی طرف اپنی توجہ مبذول کر لیتے ہیں۔ نتیجتاً یہ بات بھول کے خانے میں جا پڑتی ہے۔ آپ بھی یہی کیجئے۔ جب بھی لڑکی کا خیال ذہن سے حافظہ میں منتقل ہو آپ اس خیال سے چھٹکارا حاصل کرنے کی بجائے کسی اور کام میں لگ جائیں یا کوئی اور بات سوچنا شروع کر دیجیئے۔ روحانی علاج یہ ہے کہ رات کے وقت سونے سے پہلے بستر پر سیدھے لیٹ کر آنکھیں بند کر لیجئے اور اپنا تصور کیجئے۔ یعنی آنکھیں بند کر کے خود اپنی ذات کو دیکھنے کی کوشش کریں، آپ کا ہیولیٰ سامنے آئے نہ آئے پندرہ منٹ تک تصور قائم رکھیں اور پھر سو جائیے، نیند جلدی آ جائے تب بھی کوئی حرج نہیں۔ ہفتہ دس روز میں آپ کی الجھنیں ختم ہو جائیں گی۔

وظیفہ مبارک و نقش

ترکیب و طریقہ کار