پس منظر، علامات اور روحانی حکمت

سوال: (سوال نمبر ۵۰، ص ۲۴۱)—آپ مفہوم ذہن نشین کرنے کی کوشش کیجئے: میں میٹرک کی طالبہ ہوں۔ پچھلے سال امتحان میں فیل ہو گئی تھی۔ اس مرتبہ پھر امتحان دے رہی ہوں۔ میں سبق یاد کرتی ہوں تو بہت دیر میں یاد ہوتا ہے اور پھر کچھ دیر کے بعد بھول جاتی ہوں۔ جواب: آپ سبق کو رٹنے کے بجائے سمجھ کر پڑھنے کی عادت ڈالیں۔ انشاء اللہ آپ کی مشکل حل ہو جائے گی۔ جو چیز ایک مرتبہ سمجھ لی جاتی ہے وہ ذہن پر نقش ہو جاتی ہے۔ حفظ کرنے سے یاد تو ہو جاتا ہے لیکن وہ اس وقت تک یاد رہتا ہے جب تک اسے بار بار دہرایا جاتا رہے۔ آپ کوشش کر کے ایک ایک لفظ کو غور سے پڑھیئے اور مفہوم ذہن نشین کرنے کی کوشش کیجئے۔ کتاب پڑھنے کے بعد اس مفہوم کو ذہن میں دہرائیے۔ زیادہ مناسب یہ ہے کہ ذہن نشین مفہوم کو کسی جگہ پر لکھنے کے بعد کتاب کھول کر دیکھئے کہ آپ کس حد تک کامیاب ہوئی ہیں۔ اگر مضمون پوری طرح واضح نہ ہوا ہو تو مضمون دوبارہ پڑھیئے اور پھر کاپی پر لکھئے۔ چند ہفتوں کی کوشش سے آپ کا ذہن اس قابل ہو جائے گا کہ آپ جو کچھ بھی پڑھیں گی وہ محفوظ رہے گا۔

وظیفہ مبارک و نقش

ترکیب و طریقہ کار