پس منظر، علامات اور روحانی حکمت

سوال: (سوال نمبر ۴۷، ص ۲۴۰)—مصیبتوں کے لامتناہی سلسلہ نے زندگی وبال کر دی ہے: ڈھائی سال سے نت نئی مصیبتوں کے لامتناہی سلسلہ نے ہمارے اوپر زندگی وبال کر رکھی ہے، پورا خاندان حسرت و یاس کی وسیع خلیج میں ہاتھ پیر مار رہا ہے۔ قرض اتنا ہو گیا ہے کہ اس کے تصور سے نزع کی کیفیت طاری ہو جاتی ہے، ہر وقت یہ خیال رہتا ہے کہ قرض خواہ بے عزت کر دیں گے۔ دکان میں بکری اتنی کم ہے کہ گزر بسر بھی نہیں ہوتی، سمجھ میں نہیں آتا کہ قرض کا یہ پہاڑ سر سے کیسے اترے گا۔ کوئی وظیفہ بتا دیں۔ جواب: قرض کی پوری رقم ایک کاغذ پر لکھ کر اپنے پاس محفوظ کر لیجئے اور عشاء کے بعد ۱۰۰ بار آیتِ کریمہ: 'لَّا إِلَٰهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ' (سورہ الانبیاء آیت ۸۷) پڑھیں۔ پڑھنے کا طریقہ یہ ہوگا: ایک مرتبہ آیتِ کریمہ پڑھ کر ہاتھوں پر دم کریں اور ہاتھ اپنے چہرے پر پھیر لیں اور اس طرح سو مرتبہ آیت پڑھیں اور سو ہی مرتبہ چہرہ پر ہاتھ پھیر لیں۔ وظیفہ ختم کرنے کے بعد اللہ تعالیٰ سے قرض کی متعینہ رقم کی ادائیگی کے لیے دعا کریں انشاء اللہ چند ہفتوں میں غیبی امداد حاصل ہو جائے گی اور قرض ادا ہو جائے گا۔ قرض ادا ہو جانے کے بعد آئندہ قرض لینے سے احتراز کریں۔

وظیفہ مبارک و نقش

ترکیب و طریقہ کار