پس منظر، علامات اور روحانی حکمت

سوال: (روزنامہ جسارت، ۵ نومبر ۱۹۷۱ء، سوال نمبر ۳۱، ص ۲۳۱)—حلق میں دانے ہیں، بجلی کے علاج سے بھی فائدہ نہیں ہوا: میرے حلق میں دانے ہیں جو زبان پر نہیں بلکہ کوے کے نیچے ہیں، آپ نے مجھے مشورہ دیا تھا کہ میں کسی ماہر معالج سے اپنا علاج کراؤں۔ جناب میں دو سال سے علاج کرا رہی ہوں مگر حلق کے دانوں پر ذرہ برابر بھی اثر نہیں ہوتا۔ ان دانوں کی وجہ سے سانس لیتے وقت شدید تکلیف ہوتی ہے۔ عجیب بات یہ ہے کہ نمک مرچ یا کوئی بھی چیز کھانے سے قطعی تکلیف نہیں ہوتی۔ اس مرض کی وجہ سے دوسرا مرض یہ لاحق ہو گیا ہے کہ ہر وقت بخار رہتا ہے جسم کی ساری ہڈیاں دکھتی ہیں، نزلہ کی بھی کوئی شکایت نہیں ہے، معدہ بھی ٹھیک ہے، آپ کی اطلاع کے لیے عرض ہے کہ میں بجلی بھی لگوا چکی ہوں۔ جواب: کلونجی کالے بیج ہوتے ہیں جو اچار میں ڈالے جاتے ہیں۔ بازار سے خرید کر پانی میں اچھی طرح دھو کر دھوپ میں سکھا لیں اور خشک ہونے کے بعد کھلے منہ کی شیشی میں بند کر کے ڈھکن لگا دیں۔ عشاء کی نماز کے بعد ۱۱ دن میں ۱۱ ہزار مرتبہ 'یا حفیظ یا حفیظ یا حفیظ یا شافی یا شافی یا شافی یا کافی یا کافی یا کافی' پڑھ کر ڈھکن کھول کر کلونجی پر دم کریں اور ڈھکن لگا دیں اس طرح دم شدہ کلونجی کے ۳، ۳ ماشہ کی پڑیاں بنا لیں۔ روزانہ صبح نہار منہ اور شام کو تازہ پانی کے ساتھ کھا لیں۔ وزن تین ماشہ سے زیادہ نہیں ہونا چاہیے انشاء اللہ چند ہفتوں میں مکمل طور پر صحتیاب ہو جائیں گی۔

وظیفہ مبارک و نقش

ترکیب و طریقہ کار