پس منظر، علامات اور روحانی حکمت

سوال: (روزنامہ جسارت، ۱۳ اکتوبر ۱۹۷۱ء، سوال نمبر ۲۱، ص ۲۲۷)—بابر کی موت کیوں؟ اور ہمایوں کی زندگی کس طرح؟: اس تاریخی واقعہ کی کیا توجیہ ہو سکتی ہے کہ جب ہمایوں بیمار ہوا تو بابر نے ہمایوں کے گرد طواف کر کے یہ دعا مانگی کہ اے اللہ میری زندگی میرے بیٹے کو دے دے، نتیجے میں شہنشاہ بابر اس دارِ فانی سے کوچ کر گئے اور ہمایوں صحت یاب ہو گیا؟ جواب (بصیرت افروز فلسفیانہ و کائناتی مقالہ): قانونِ قدرت کی پہلی دفعہ (شق) یہ ہے کہ ہر شہود کے پسِ پردہ غیب ہوتا ہے، غیب سے ہی شہود یا مظہر نمودار ہوتا ہے۔ مثلاً ہمارے سامنے ایک درخت ہے، اس درخت کے تمام ظاہری پہلو ہماری عقل کے دائرے میں شامل ہیں ہم ان کا تجزیہ کر سکتے ہیں لیکن اس کا داخلی پسِ منظر وہ ہے جس کے بارے میں ہماری فکر اور تجربات کے نتائج صفر کے برابر ہیں۔ اگر موجودہ سائنس کی رو سے مادی شے کی تقسیم الیکٹران اور پروٹان تک کر دیں پھر بھی یہ تشنگی باقی رہتی ہے کہ پروٹان اور الیکٹران کی اصل کیا ہے، شروعات سے پہلے اس کی کیا نوعیت تھی۔ یہ سارے پہلو غیب ہیں۔ جہاں تک انسان کی رسائی ہو سکتی ہے اس کے بعد پھر غیب آ جاتا ہے۔ اگر کسی ایک لمحے کے لیے بھی انسانی ذہن مکاں (Space) کی گرفت سے آزاد ہو کر زماں (Time) کی حد میں داخل ہو جاتا ہے تو وہ حقیقت کو چھو لیتا ہے، اور حقیقت کو چھو لینے کے معنی یہ ہیں کہ جیسے ہی اس کا ذہن زماں سے مکاں کی طرف واپس آتا ہے تو وہ شے عملی دنیا میں مظہر بن جاتی ہے—یا تو فوری طور پر یا کچھ وقفے کے بعد۔ قانون کی دفعہ یہ ہوئی کہ ہر شعور غیب ہے اور غیب زماں کی گہرائی میں ہوتا ہے۔ ذہن مکاں (Space) سے نکل کر اگر اسے چھو لے تو اس وقت جو کچھ ذہن میں ہوگا وہ مکاں میں آ کر مظہر بن جائے گا۔ چنانچہ بابر کے ذہن میں جیسے ہی یہ بات آئی کہ میری جگہ ہمایوں کو زندہ رہنا چاہئے تو اس جذبے کی گہرائی اتنی تھی کہ یہ مکاں کی حد سے نکل کر غیب یا زماں (Time) کے اندر پہنچ گیا۔ جیسے ہی واپسی ہوئی مظہر بن گیا اور جذبہ کی گہرائی بہت زیادہ تھی اس لیے مظہر فوراً بن گیا اور بابر کی زندگی ہمایوں میں منتقل ہو گئی۔

وظیفہ مبارک و نقش

ترکیب و طریقہ کار