پس منظر، علامات اور روحانی حکمت

سوال: (روزنامہ جسارت، دسمبر ۱۹۷۱ء، ص ۲۱۶)—۱۹ سال کی عمر میں آدھا سر سفید: سوال: ۱) میرے بال پہلے بہت لمبے اور گھنے تھے کہ دو چوٹیوں میں نہیں سماتے تھے، اب ایک چٹیا بھی نہیں بنتی، بال جھڑ گئے ہیں۔ ۲) بال ریشم کی طرح نرم ہیں، کنگھی کرتا ہوں تو سر پر بال نظر نہیں آتے۔ ۳) ۱۹ سال کی عمر میں ۵۰ فیصد بال سفید ہو گئے ہیں، بال دو شاخے ہو رہے ہیں اور جسم پر بہت گھنے سخت بال ہیں۔ جواب: لمبے اور گھنے مضبوط خوبصورت بالوں کے لیے تیل تیار کرا لیجئے اور رات کو سوتے وقت سر میں مالش کیجئے۔ ایک سیر سرسوں کے تیل میں ایک چھٹانک گلو (Tinospora cordifolia) چھوٹے چھوٹے ٹکڑے کر کے اتنا پکائیں کہ وہ جل کر سرخ ہو جائے، ٹھنڈا ہونے پر کپڑ چھان کر لیں اور شیشی میں بھر کر رکھ لیں۔ اس تیل کی مالش کے ساتھ ساتھ روزانہ رات کو سوتے وقت ایک پاؤ بکری کا دودھ پئیں۔ دھوپ کے وقت بکری کا دودھ سر میں جذب کر کے نیم گرم پانی سے سر دھو ڈالیں۔ روزانہ سر دھونا ضروری نہیں ہے، جب بھی سر دھوئیں دو گھنٹے پہلے سر میں بکری کا دودھ اچھی طرح جذب کر لیا جائے۔ سفید بال کالے کرنے کے لیے رائی، میتھی کے بیج، السی ہم وزن لے کر سفوف بنا لیں۔ شام کا کھانا کھانے کے آدھا گھنٹے بعد ایک ماشہ سفوف تازہ پانی کے ساتھ کھائیں۔ اس نسخہ کا پورا اثر چھ ماہ بعد ظاہر ہوتا ہے۔ بال کالے ہونا شروع ہو جائیں گے۔

وظیفہ مبارک و نقش

ترکیب و طریقہ کار