پس منظر، علامات اور روحانی حکمت

سوال: (سوال نمبر ۱۹۷ جزو ۳ امیج ۶۶، ص ۲۰۹-۲۱۰)—ایک ماں اور فرح ناز، کراچی: شادی کے بعد لڑکی کے سسرال والوں نے کار کا مطالبہ کیا، مطالبہ پورا نہ کرنے پر سسر نے میری بیٹی کو ڈاک کے ذریعے طلاق نامہ بھیج دیا۔ ہماری بیٹی ایم ایڈ ہے اور اچھے عہدے پر ملازم ہے۔ طلاق کے بعد اس کے والد کو اتنا صدمہ ہوا کہ وہ شدید بیمار رہ کر چلنے پھرنے سے معذور ہو گئے ہیں۔ کہیں سے مناسب رشتہ نہیں آتا۔ آپ سے وظیفہ کی طلبگار ہوں۔ جواب (انتہائی پر اثر و خاص الخاص عمل): سحری کھا کر روزہ رکھ لیجئے، افطار میں بہت ہلکی غذا کھائیے اور عشاء کی نماز کے بعد فجر کی اذان تک پوری رات 'بِسْمِ اللَّهِ الْوَاسِعِ جَلَّ جَلَالُهُ' پڑھتی رہئے۔ درمیان میں وضو کی غرض سے اٹھنا پڑے تو دوبارہ وضو کر کے مصلے پر بیٹھ جائے۔ پوری رات بات کرنا منع ہے۔ البتہ چائے یا کافی پینے میں کوئی حرج نہیں ہے۔ صبح کی اذان ہونے کے بعد صرف ایک کام، لڑکی کی شادی کے لئے دعا کیجئے۔ دعا کم از کم پانچ منٹ تک مانگئے اور فجر کی نماز پڑھ کر دوسرے کاموں میں مشغول ہو جائیے یا سو جائیے۔ اکیس روز تک انتظار کیجئے اور بائیسویں دن پھر روزہ رکھئے، پوری رات وظیفہ پڑھئے اور فجر کی اذان کے بعد دعا کیجئے۔ انشاء اللہ اس عمل کی برکت سے آپ کی بیٹی کی شادی ہو جائے گی۔ ڈرنے کی کوئی بات نہیں ہے، میں اس وظیفہ کا عامل ہوں اور آپ کو اجازت دیتا ہوں۔ (نوٹ: کوئی صاحب یا صاحبہ یہ عمل میری اجازت کے بغیر نہ کریں!)

وظیفہ مبارک و نقش

ترکیب و طریقہ کار