پس منظر، علامات اور روحانی حکمت

سوال: (سوال نمبر ۱۹۲ امیج ۶۵، ص ۲۰۵-۲۰۶)—بھائی کی بیماری کی وجہ سے ہم پریشان ہیں: ایک جگہ بھائی کا رشتہ لے کر گئے تو انہوں نے انکار کر دیا جس سے بھائی کو صدمہ پہنچا اور دماغی حالت خراب ہو گئی۔ ایک عامل نے سو روپے لے کر دو تعویذ دیے اور کہا انہیں پرانے کنویں میں ڈالا جائے، کنویں میں ڈالتے ہی بھائی کے دل کو جھٹکا لگا، سر چکرایا، بے ہوش ہو گیا۔ ہوش میں آنے کے بعد نیند اڑ گئی، رات کو آنکھیں بند کرتا ہے تو نظر آتا ہے کہ کوئی سایہ اس کے اوپر جھکا ہوا ہے اور اس کا گلا دبانے کے لئے ہاتھ بڑھا رہا ہے، دہشت سے رونے لگتا ہے۔ خواب آور دوائیں بھی اثر نہیں کرتیں، تین چار مہینے بعد میرا بھائی بالکل پاگل ہو گیا۔ نفسیات کے ماہر ڈاکٹر کے مشورے سے رشتہ دار کی لڑکی سے شادی کر دی، ایک بچی کا باپ بن گیا، پاگل پن ختم ہوا لیکن سر چکرانے اور درد کا عارضہ بدستور رہا۔ تین سال بعد پھر دماغی دورہ پڑا، اب بچی سے محبت کرتا ہے مگر بیوی کی صورت سے شدید نفرت ہو گئی ہے اور دوسری شادی کا مطالبہ کر رہا ہے۔ کیا دوسری شادی سے اس کی حالت ٹھیک ہو جائے گی؟ جواب (طبی و نفسیاتی حقیقت): بیماری کی اصل وجہ مطلوبہ جگہ شادی نہ ہونا یا تعویذ نہیں ہے بلکہ نشہ کی عادت ہے۔ غالب گمان یہ ہے کہ آپ کا بھائی چرس کا نشہ کرتا ہے، اس نشہ کی وجہ سے اس کے دماغ کی رگیں خشک ہو گئی ہیں، سر میں چکر اور درد کی یہی بنیاد ہے۔ جب دماغ کی رگیں اس حد تک خشک ہو جاتی ہیں کہ دورانِ خون ان میں صحیح طور پر نہیں ہوتا تو حواس مختل ہو جاتے ہیں۔ قانون یہ ہے کہ جب دماغ کی رگوں میں خون کا دوران بہت زیادہ کم ہو جائے تو وہ دماغ جو شعور کی تخلیق کرتا ہے ایب نارمل ہو جاتا ہے تو دور دراز کی چیزیں سامنے نظر آنے لگتی ہیں! دوسری تیسری یا چوتھی شادی اس کا علاج ہرگز نہیں ہے۔ علاج صرف یہ ہے کہ جس طرح بھی ممکن ہو آپ کا بھائی چرس استعمال نہ کرے۔ بیوی سے نفرت کا سبب یہ ہے کہ اس قسم کا آدمی یا تو بالکل ٹھنڈا ہو جاتا ہے یا اس کے اوپر سیکس کا غلبہ بہت زیادہ ہو جاتا ہے، اس کی آپ کی بھابھی سے کوئی ذاتی ناراضگی تو ہے نہیں۔ نشہ کی عادت چھڑانے کے لئے آپ یہ کام کریں کہ جئی (Oats) فراہم کریں اور اس کی اوکھل میں کوٹ کر چھلکا اتار دیں۔ جئی کی گری ایک تولہ چار گلاس پانی میں خوب اچھی طرح پکائیں، جب پانی ایک گلاس رہ جائے تو چھان لیں، یہ پانی صبح و شام ایک عرصہ تک بھائی کو پلائیں۔ جئی ایک اناج ہے جو ریس کے گھوڑے کھاتے ہیں۔

وظیفہ مبارک و نقش

ترکیب و طریقہ کار