پس منظر، علامات اور روحانی حکمت

سوال: (سوال نمبر ۱۹۱ امیج ۶۴، ص ۲۰۴-۲۰۵)—اس بیماری کا مریض ۳ دن، ۳ ماہ یا ۳ سال میں مر جاتا ہے: میری والدہ کا یہ حال ہے کہ دونوں پیروں کے ٹخنے پر ورم سا آ گیا ہے۔ صبح نیند سے بیدار ہونے کے بعد چلنے میں بہت تکلیف ہوتی ہے، صحیح بات یہ ہے کہ پیر زمین پر رکھ ہی نہیں سکتیں۔ اگر پلنگ پر بیٹھے ہوئے پیر لٹکا لیں تو ورم زیادہ ہو جاتی ہے۔ آج تک اس مرض کی تشخیص نہیں ہو سکی ہے کہ یہ کیا مرض ہے؟ جواب (نایاب ماحولیاتی و لوک طبی انکشاف): یہ مرض 'خاٹچ' ہے جس کو عام طور پر لوگ یا حکیم ڈاکٹر نہیں جانتے البتہ گاؤں کے لال بجھکڑ جانتے ہیں اور اس کا علاج بھی عجیب و غریب طریقہ سے کرتے ہیں، جو شہری زندگی گزارنے کے عادی لوگ برداشت نہیں کر سکتے۔ یہ مرض ایک گیس کے اثر سے پیدا ہوتا ہے۔ یہ گیس زمین کے اندر سے نکلتی ہے اور ٹخنوں پر اثر کرتی ہے، ٹخنوں پر اثر انداز ہونے کے بعد اس گیس کا دوسرا ٹارگٹ دماغ ہوتا ہے۔ خدا نخواستہ دماغ متاثر ہو جائے تو اس بیماری میں مبتلا مریض ۳ دن، ۳ ہفتے، ۳ ماہ یا زیادہ سے زیادہ ۳ سال میں مر جاتا ہے۔ علاج لکھا جا رہا ہے تین ماہ تک اس علاج کو جاری رکھئے۔ اللہ کی رحمت سے شفاء ہو گی۔ کالا نمک پیس کر پانی میں جوش دیں۔ ایک تولہ پسا ہوا کالا نمک، ڈھائی تین سیر پانی میں ڈال کر جوش دیں اور پانی کسی بڑے برتن یا تسلے میں ڈال دیں۔ جب قابلِ برداشت ہو جائے تو دونوں پیر اس پانی میں رکھ کر بیٹھ جائیں، بیٹھنے کا وقفہ آدھا گھنٹہ ہو۔ آدھے گھنٹے سے زیادہ کبھی نہ ہو اور آدھے گھنٹے سے کم بھی نہ ہو۔

وظیفہ مبارک و نقش

ترکیب و طریقہ کار