پس منظر، علامات اور روحانی حکمت

سوال: (سوال نمبر ۱۸۸ امیج ۶۳، ص ۲۰۲)—پیٹ میں گیس خوف پیدا کرتی ہے: میں زبردست ذہنی الجھن اور خوف میں مبتلا ہوں۔ مشہور معالج نے پورا چیک اپ کر کے کہا کہ تمہیں کوئی بیماری نہیں۔ چونکہ میں خود ایم بی بی ایس کا طالب علم ہوں اس لئے میں نے سوچا نروس نیس پر قوتِ ارادی سے بھی قابو پایا جا سکتا ہے۔ جب ٹرانکوئلائزر دوائیں تجویز کی گئیں تو مجھے اطمینان ہوا مگر اس کے باوجود میری طبیعت خراب ہے۔ میرے ذہن میں ہر وقت خیال رہتا ہے کہ میں صدرِ مملکت تھا اور اب میرا ملک نہیں رہا۔ جب یہ خیال زوروں پر ہوتا ہے تو مجھے خود سے خوف محسوس ہوتا ہے کہ میرے سامنے جو کچھ ہے حقیقت نہیں ایک خواب ہے۔ بازار میں گھومتا ہوں تو محسوس کرتا ہوں خواب میں گھوم رہا ہوں۔ کوئی غیر مرئی چیز ذہن پر وزن ڈالتی ہے، دل ڈوبنے لگتا ہے، جسم گرم اور کبھی سکڑتا محسوس ہوتا ہے۔ جواب (شاندار طبی و عضویاتی تشخیص): بنیادی بات یہ ہے کہ آپ کا نظامِ ہضم بالکل خراب ہے، معدہ میں خشکی اور پیوست ہے اور گیس بہت بنتی ہے۔ یہ گیس جب دماغ کی طرف جاتی ہے تو خیالات میں پراگندگی پیدا ہو جاتی ہے اور دل کے اوپر دباؤ ہوتا ہے تو خوف بن جاتا ہے۔ غذاؤں میں رد و بدل کے ساتھ ایسی غذائیں استعمال کریں جو ہلکی اور زود ہضم ہوں۔ ایسی غذائیں نہ کھائیں جو گیس بناتی ہیں۔ دونوں وقت کھانے کے بعد اکیس روز تک ایک ایک رتی ہینگ پانی میں حل کر کے استعمال کیجئے۔ آپ کے یقین کے بموجب آپ کو اس علاج سے ضرور فائدہ ہو گا، اس لئے کہ مرض کی تشخیص سے علاج کا براہِ راست تعلق ہے۔

وظیفہ مبارک و نقش

ترکیب و طریقہ کار