پس منظر، علامات اور روحانی حکمت

سوال: (سوال نمبر ۱۷۵ امیج ۵۹، ص ۱۹۳-۱۹۴)—ہم سب کو کسی طاقت نے مسحور کر رکھا ہے: پانچ سال پہلے رمضان شریف میں تراویح کے بعد وظیفہ پڑھ کر سویا تھا کہ کسی نے جھنجھوڑ کر اٹھا دیا۔ میں سمجھا سحری کا وقت ہو گیا ہے مگر بیوی نے لاعلمی کا اظہار کیا۔ اس کے بعد یہ واقعہ مسلسل پیش آ رہا ہے۔ عجیب بات ہے کہ یہ عورت مجھے جگا کر باورچی خانہ میں جاتی ہے اور مجھ سے کوئی بات نہیں کرتی۔ میں نے ہر کمرہ کے دروازے اور باورچی خانہ میں قرآن پاک کی چھپی ہوئی سورتیں آویزاں کر دیں مگر کوئی فرق نہیں پڑا۔ پنجاب سے میری لڑکی آئی تو اس نے رات کو دیکھا کہ ایک چھوٹا لڑکا باورچی خانہ کی طرف گیا ہے، چولہا جل رہا تھا، وہ گھبرا کر باورچی خانے میں گئی تو وہاں کوئی نہ تھا، کمرے میں آئی تو لڑکا وہاں کھیل رہا تھا۔ ایک روز کسی نادیدہ طاقت نے جھنجھوڑ کر اٹھایا اور کہا 'تم کہتے ہو تو میں چلی جاتی ہوں'، میں نے غیر اختیاری طور پر کہا 'میرے جیتے جی تو یہ بات نہیں ہو سکتی'۔ پھر میں نے دیکھا کہ سامنے کرسی پر ایک عورت بیٹھی ہے جو بہت زیادہ کریہہ منظر ہے، اس کی گود میں چھوٹا بچہ ہے۔ خواجہ صاحب! یہ سب کیا ہے؟ میں بیمار رہنے لگا ہوں، میری بیوی روز بروز کمزور ہو رہی ہے، ایسا معلوم ہوتا ہے جیسے کسی نے مسحور کر رکھا ہے۔ جواب (بصیرت افروز تجزیہ): آپ کے گھر میں کوئی بد روح آباد ہے۔ لیکن اس سے آپ کو کوئی نقصان نہیں پہنچا ہے اور نہ ہی پہنچے گا۔ جب آپ اس کو نظر انداز کر دیں گے یہ نظر آنا بھی بند ہو جائے گی۔ چونکہ یہ ایک غیر معمولی واقعہ ہے اس لئے دماغ مستقل طور پر اس گتھی کو سلجھانے میں مصروف ہوتا ہے اور دماغ کی طاقت بہت زیادہ خرچ ہو جاتی ہے۔ جتنی پریشانیاں اور بیماریاں اس وقت لاحق ہیں دراصل دماغی خلفشار کی بنا پر ہیں۔ جب یہ روح نظر آنا بند ہو جائے گی پریشانیاں بھی ختم ہو جائیں گی۔

وظیفہ مبارک و نقش

ترکیب و طریقہ کار