پس منظر، علامات اور روحانی حکمت

سوال: (سوال نمبر ۱۵۴ امیج ۵۴، ص ۱۸۱-۱۸۲)—حضرت بری امام کا فیض: مسز سکندر، لیاقت آباد کراچی: میری بہن امی کے ساتھ ایک چھوٹے سے ویران کھیت میں سے گزر کر ماموں کی عیادت کو گئی تھیں، چلتے چلتے ایکا ایکی ان کے پیر کے انگوٹھے میں درد ہوا اور ایک دم اس درد نے شدت اختیار کر لی۔ ماموں کے گھر پہنچتے پہنچتے انگوٹھا سوج گیا۔ ماموں نے درد کی گولی کھلا کر انگوٹھے پر تیل کی مالش کر دی اس سے وقتی آرام آ گیا۔ شام کو گھر آتے آتے پیر سوج گیا اور پورے پیر میں یہ درد پھیل گیا۔ جوں جوں دوا کی مرض بڑھتا گیا کے مصداق دونوں پیروں کے پنجوں، گھٹنوں اور ہاتھوں میں درد نے مستقل جگہ کر لی۔ ہاتھوں کی انگلیوں سے بڑھ کر یہ درد کلائیوں، کہنیوں اور کندھوں میں آ گیا اور پھر سارے جسم پر ورم آ گیا۔ کوئی ڈاکٹر، حکیم، مولوی، ملا، عامل اور مزار نہیں چھوڑا مگر ذرہ برابر جو فائدہ ہوا ہو۔ کئی مہینے جناح ہسپتال میں داخل رہیں۔ وہاں بھی اس مرض کا علاج نہیں ہو سکا۔ ڈاکٹر کہتے ہیں کہ یہ درد ہمیشہ رہے گا البتہ کبھی کمی آ جائے گی اور کبھی شدت اختیار کر جائے گا۔ عامل حضرات کہتے ہیں کہ ویران جگہوں پر بھوت پریت بھٹکتے رہتے ہیں ان کا سایہ پڑ گیا ہے۔ کراچی میں علاج نہیں ہو سکا تو میں اپنی بہن کو راولپنڈی لے آئی۔ علاج کے ساتھ ساتھ بری امام صاحبؒ کے مزار پر بھی دعا کی گئی ہے۔ خدا را مایوس نہیں کیجئے گا۔ اس وقت بہن کی حالت یہ ہے کہ وہ بستر سے بھی نہیں اٹھ سکتیں۔ جواب: حضرت بری امامؒ خدا رسیدہ بزرگ ہیں وہاں سے فیض ہونا ضروری ہے۔ میرے تجویز کردہ اس علاج سے فائدہ بھی انہی گراں قدر اور بلند مرتبہ بزرگ کا فیض ہے۔ ایک فٹ لمبے کپڑے کی ایک گڑیا بنائی جائے۔ اس کے اندر روئی بھر کر سی لیا جائے، ہر جگہ اس کے اوپر کپڑا لپٹا ہوا ہو جیسے بازار میں گڑیاں عام طور سے ملتی ہیں۔ جہاں جہاں آپ کی بہن کے جسم میں درد ہے وہاں وہاں گول نشان لگایا جائے اور اس نشان میں فائل پن ٹھونک دی جائے۔ ایک فائل پن کا فاصلہ دوسری فائل پن سے ایک انچ کا ہونا چاہئے۔ اس سے زیادہ ہو تو باقی فائل پن ایک ایک اور لگا دیں، فائل پن اس طرح لگائیں کہ جہاں جہاں درد ہو ساری جگہیں دائروں میں آ جائیں۔ انگلیوں کے جوڑوں پر، پسلیوں پر، گھٹنوں پر، پیر کے جوڑوں اور ہاتھوں کے جوڑوں پر دائروں میں فائل پن ٹھونکی جائیں۔ اب اس گڑیا کے لباس کے اوپر کی طرف سورۃ فلق (قُلْ اَعُوْذُ بِرَبِّ الْفَلَقِ) پوری سورۃ لکھ کر چپکا دیں۔ درد ٹھیک ہونے پر اس گڑیا کو زمین میں دو فٹ گڑھا کھود کر اس گڑیا کو گڑھے میں رکھ کر مٹی ڈال دیں؛ یہ گڑیا ایسی جگہ دفن کی جائے جہاں ہر کوئی نہ دیکھے اور نہ ہی اکھاڑے۔

وظیفہ مبارک و نقش

ترکیب و طریقہ کار