پس منظر، علامات اور روحانی حکمت

سوال: (سوال نمبر ۱۵۳ امیج ۵۳، ص ۱۸۰-۱۸۱)—شہیدِ ملت نے خواب میں قلم عطا کیا اور یہ قلم حقیقت میں مجھے مل گیا: اشرف اللہ خٹک: میں بہت کم خواب دیکھتا ہوں... خواب میں دیکھا کہ رات کے تین بجے ہیں میں مسجد میں نوافل پڑھنے گیا ہوں... وہاں اہل اللہ کی لائن لگ گئی۔ سب کے ہاتھوں میں سفید کاغذ ہیں۔ ایک بزرگ نے بتایا کہ نواب لیاقت علی خان آئے ہیں اور یہ درخواستیں ہیں۔ ایک برگزیدہ ہستی نے میرا داہنا ہاتھ پکڑ کر نواب صاحب کے سامنے پیش کر دیا... نواب صاحب نے شیروانی کی جیب میں ہاتھ ڈالا اور قلم نکال کر مجھے عنایت کیا اور ساتھ ہی ارشاد فرمایا 'اشرف اللہ یہ تمہارے کام کی چیز ہے'۔ اس کے بعد میری آنکھ کھل گئی۔ حیرت ناک بات یہ ہے کہ دوسرے روز میں شہیدِ ملت کے مزار پر گیا وہاں فاتحہ پڑھی... تلاوت کرتے وقت میں نے دیکھا کہ قبر کے پاس ایک قلم پڑا ہے اٹھا کر دیکھا تو یہ بالکل ویسا تھا جیسا کہ شہیدِ ملت نے خواب میں دیا تھا، یہ قلم اب بھی میرے پاس ہے۔ اس خواب کی تعبیر سے مطلع فرمائیں۔ جواب (تعبیر و تجزیہ اور مشورہ): اشرف اللہ صاحب آپ کے دل میں ایک مدت سے بے لوث اور پر خلوص خدمت کا تقاضا موجود ہے لیکن طبیعت نے بعض خیالی وجوہات کی بناء پر قدم اٹھانے سے باز رکھا ہے، اللہ کا نام لے کر شروعات کر دیجئے۔ قلم کا مطلب ہے کہ بے لوث خدمتِ خلق کی جائے، شہیدِ ملت، بہرحال پاکستان کی بے لوث خدمت کرتے ہوئے شہید ہوئے ہیں، اللہ تعالیٰ کی طرف سے ان کا عطیہ حقیقی ہے۔ یہ بات کہ وہ قلم کس طرح وہاں پہنچا اس کا تعلق اللہ تعالیٰ کے انتظام سے ہے۔ روحانی زبان میں ایسا انتظام 'لطیفہ غیبی' کہلاتا ہے۔ وہ قلم یقیناً شہیدِ ملت کی طرف سے ہے اس میں دخل فصل کچھ بھی نہیں ہے۔ آپ مطمئن رہیں اور خدمتِ خلق کے لئے کمر بستہ ہو جائیں۔

وظیفہ مبارک و نقش

ترکیب و طریقہ کار