پس منظر، علامات اور روحانی حکمت

سوال: (سوال نمبر ۱۴۸ امیج ۵۱، ص ۱۷۷)—شادی شدہ افراد کے مسائل: جواب: جن بہنوں نے اپنے شوہر صاحبان کے ظلم و زیادتی کی شکایت کی ہے یا دوسری عورتوں میں ان کی دلچسپی کا اظہار کیا ہے وہ سب عشاء کی نماز کے بعد ایک سو مرتبہ 'یا ودود' پڑھ کر ہاتھوں پر دم کریں اور ہاتھ ایک بار چہرہ پر پھیر لیا کریں۔ (رشتوں کے حصول اور شادی کے لئے): عشاء کے بعد 'يُرْسِلُ الرِّيَاحَ فِیْ اَیِّ کَانَ فِیْہِ' شمال رخ بیٹھ کر تین سو دفعہ نوے دن تک پڑھیں، ناغہ کے دنوں میں بھی وظیفہ ترک کرنے کی ضرورت نہیں ہے وظیفہ کے بعد نہایت خشوع و خضوع کے ساتھ مقصد مکمل ہونے کی دعا کی جائے۔ (شوہر سے ناراض ہو کر جو بیبیاں بچوں کو چھوڑ کر اپنے میکے جا بیٹھی ہیں): ان کے دل میں نرمی اور محبت پیدا کرنے کے لئے شوہر صاحبان آدھی رات گزرنے پر گیارہ سو مرتبہ سورۃ النساء کی آیت 'هُنَّ لِبَاسٌ لَّكُمْ وَاَنْتُمْ لِبَاسٌ لَّهُنَّ' پڑھ کر آنکھیں بند کر کے اپنی بیگمات کا پندرہ بیس منٹ تصور کریں اور تصور کرتے کرتے سو جائیں۔ مدت کا تعین حالات کے مطابق ہو گا۔ (اس سوال کا جواب کہ فلاں لڑکے یا لڑکی سے ہماری شادی ہو جائے گی یا نہیں): یہ ہے کہ شادی کا تعلق تقدیرِ معلق سے ہے تقدیرِ مبرم سے نہیں ہے۔ تقدیرِ معلق پر انسان کو اختیار دیا گیا ہے اور تقدیرِ مبرم پر اسے قطعاً کوئی اختیار نہیں۔

وظیفہ مبارک و نقش

ترکیب و طریقہ کار