پس منظر، علامات اور روحانی حکمت

سوال: (سوال نمبر ۱۴۶ امیج ۵۰، ص ۱۷۶)—حرماں نصیبی کا ایک جال: عبداللطیف، پشاور: شادی کو سولہ برس گزر چکے ہیں۔ ہر قسم کا کام کر چکا ہوں مگر دنیا میں شاید ہی کوئی میرے جیسا بد نصیب ہو گا۔ آپ کا تجویز کردہ وظیفہ جب پڑھ لیتا ہوں تو غیب سے امداد ہو جاتی ہے ابھی چند روز پہلے کی بات ہے کہ مجھے جب کہیں سے ایک پیسہ بھی میسر نہیں آیا تو میں بہت بجھے دل سے گھر کی طرف جا رہا تھا... زبان پر آپ کے بتائے ہوئے وظیفے کا ورد تھا کہ اچانک میں نے دیکھا میرے پاؤں میں پانچ روپے کا نوٹ پڑا ہوا ہے۔ میں نے اس کو غیبی مدد سمجھ کر اٹھا لیا۔ خواجہ صاحب اگر میرے نصیب خراب ہیں تو کیا میری بیوی اور بچوں کے نصیب میں بھی کچھ نہیں ہے، خدا کے لئے میری دستگیری کیجئے، ورنہ میں سب کچھ چھوڑ کر گھر سے بھاگنے کے لیے تیار ہو گیا ہوں۔ جواب: آپ کا نصیب خراب نہیں ہے طرزِ عمل میں خرابی ہے۔ آپ نے اپنے گرد حرماں نصیبی کا ایک جال بن لیا ہے اور اس جال سے آپ خود باہر آنا نہیں چاہتے۔ قانونِ قدرت پر مخلوق کو زندہ رکھنے کی ذمہ داری ہے اس لئے زندگی کے وسائل فراہم کرنا اس کے معمولات میں ہے۔ مخلوق مکلف ہوتی ہے یا غیر مکلف۔ مکلف مخلوق یعنی انسان زندگی کس طرح گزارنا چاہتا ہے اس کا دارومدار اس کی اپنی طرزِ فکر پر ہے ایک شخص بھیک مانگ کر پیٹ پالتا ہے اور دوسرا شخص محنت مزدوری کر کے اپنا بھی گزر بسر کرتا ہے اور دوسروں کو خیرات بھی دیتا ہے۔ معاف کیجئے گا آپ نے کبھی کوئی کام مستقل مزاجی سے نہیں کیا ہے۔ آپ کی نظر ہمت اور زورِ بازو کے بجائے دوسروں کے تعاون پر رہی ہے، یہی وجہ ہے کہ آپ ناکام زندگی گزار رہے ہیں۔ قسمت کو کوسنے کے بجائے عزم و ہمت اور پختہ ارادہ کے ساتھ کوئی ایک کام مستقل مزاجی سے کیجئے۔ نتائج کا مرتب ہونا یقینی امر ہے۔

وظیفہ مبارک و نقش

ترکیب و طریقہ کار