پس منظر، علامات اور روحانی حکمت

سوال: (سوال نمبر ۱۴۱ امیج ۵۰، ص ۱۷۳-۱۷۴)—زاہد اقبال، راولپنڈی: میرے لئے انگوٹھی میں پہننے کے لئے کوئی نگینہ تجویز کر دیجئے۔ اگر آپ اس بات پر بھی روشنی ڈالیں کہ نگینے یا پتھر انسان کی زندگی پر کس طرح اثر انداز ہوتے ہیں؟ جواب: قرآن پاک میں اللہ تعالیٰ کا ارشاد ہے: 'اللہ سماوات اور ارض کا نور ہے'۔ آیاتِ مقدسہ کی تشریح کے پیش نظر آسمان اور زمین روشنی ہے... پاک اور بلند ہے وہ ذات جس نے معین مقداروں کے ساتھ، تخلیق کی۔ روشنی کی یہ الگ الگ مقداریں ہی انفرادیت پیدا کرتی ہیں۔ روشنی جب دماغ پر نزول کر کے بکھرتی ہے تو اس میں رنگ پیدا ہو جاتے ہیں۔ رنگوں کی یہ لہریں ہر تخلیق میں وولٹیج کا کام کرتی ہیں۔ کوئی انسان سنکھیا کھا کر اس لئے مر جاتا ہے کہ سنکھیا کے اندر کام کرنے والے برقی نظام کا وولٹیج انسان کے اندر کام کرنے والے وولٹیج سے زیادہ ہوتا ہے۔ نگینہ یا پتھر کے اندر بھی روشنی دور کرتی رہتی ہے، اگر کسی انسان کی روشنیاں اور پتھر کی روشنیاں باہم مطابقت رکھتی ہیں تو پھر یہ پتھر انسان کے لئے مفید ثابت ہوتے ہیں۔ پتھر کی روشنیاں اور انسان کے اندر دور کرنے والی روشنیاں باہم دیگر مل کر ایک طاقت بنا لیتی ہیں۔ یہ طاقت براہِ راست دماغ کو تقویت دیتی ہے اور انسان کی بہت سی خفیہ صلاحیتیں بیدار ہو جاتی ہیں۔ جب ہمارے جسم پر کوئی چیز رکھی جاتی ہے یا ہمارا ہاتھ کسی چیز سے مس ہوتا ہے تو اس چیز کے اندر کام کرنے والی لہریں فی الفور ہمارے دماغ کو متاثر کرتی ہیں۔ انگوٹھی میں کوئی نگینہ یا پتھر انگلی سے مس ہوتا ہے تو اس کے اندر کام کرنے والا وولٹیج دماغ میں پہنچتا ہے اور دماغ کو طاقت پہنچاتا ہے۔ آپ گہرے نارنجی رنگ کا نگینہ چاندی کی انگوٹھی میں اس طرح پہنیں کہ نگینہ انگلی سے مس ہوتا رہے۔

وظیفہ مبارک و نقش

ترکیب و طریقہ کار