پس منظر، علامات اور روحانی حکمت

سوال: (سوال نمبر ۱۳۸ امیج ۴۹، ص ۱۷۲)—میرے شوہر دوسری شادی کرنا چاہتے ہیں: محمد منیر، نشتر روڈ، کراچی: مندرجہ ذیل سوال انگلینڈ سے میرے عزیزوں نے بھیجا ہے... میاں بیوی چالیس پینتالیس سال کے پیٹے میں ہیں شادی کو کافی عرصہ ہو چکا ہے مگر اولاد نہیں ہوتی۔ اب یہ صورت پیدا ہو گئی ہے کہ خاوند کی ماں اپنے لڑکے کی دوسری شادی کرنے پر بضد ہے چنانچہ خاوند نے اپنی بیوی سے کہہ دیا ہے کہ تم کو پاکستان جا کر تمہارے والدین کے حوالے کر دیا جائے گا کیونکہ مجھے ہر حال میں اپنی ماں کے حکم کی تعمیل کرنی ہے۔ ظاہر ہے بیوی کے لئے یہ فیصلہ اذیت کا سبب بنا ہوا ہے۔ آپ اس سلسلہ میں کوئی تعویذ یا وظیفہ تجویز کر دیں جس کی برکت سے خاوند کے ذہن سے دوسری شادی کا خیال ختم ہو جائے۔ جواب: اولاد نہ ہونے کی کئی وجوہات ہوتی ہیں۔ آپ خط لکھ کر یہ معلوم کیجئے کہ بیوی میں کوئی اندرونی نقص تو نہیں ہے اگر نقص ہے تو علاج کے سلسلے میں ابھی تک کیا کچھ کیا گیا ہے۔ خاوند کے ذہن سے دوسری شادی کا خیال نکل جائے گا اس کے لئے رات کو سونے سے پہلے ایک سو مرتبہ 'بسم اللہ الواسع جل جلالہ' پڑھ کر بات کئے بغیر بستر میں چلی جائیں آنکھیں بند کر لیں اور اپنے شوہر کا تصور کرتے کرتے سو جائیں اس عمل کو اس وقت تک جاری رکھیں تاوقتیکہ شوہر شادی کا ارادہ ترک کر دیں۔

وظیفہ مبارک و نقش

ترکیب و طریقہ کار