پس منظر، علامات اور روحانی حکمت

سوال: (سوال نمبر ۱۳۷ امیج ۴۹، ص ۱۷۱)—میرا بھتیجا اور اس کے دو ماموں پیدائشی مفلوج ہیں: میرا بھتیجا جس کی عمر گیارہ ماہ ہے وہ نہ تو سہارے کے بغیر بیٹھ سکتا ہے اور نہ ہی ابھی تک اس کی گردن ٹھہری ہے پکڑ کر کھڑا کرتے ہیں تو مناسب طریقے سے پیر بھی زمین پر نہیں رکھتا۔ ہمیں شبہ ہے کہ یہ بیماری اس کو ننھیال سے ورثہ میں ملی ہے اس کے دو ماموں جو اب جوانی کی حدوں کو چھو رہے ہیں نچلے دھڑ سے مفلوج ہیں کمر سے اوپر کا جسم ٹھیک ہے ذہنی طور پر بالکل نارمل اور کالج میں زیر تعلیم ہیں۔ چند ماہ پیشتر اپنے بھتیجے کو ایک اسپیشلسٹ کو دکھایا تھا اس نے کہا تھا کہ بچہ ٹھیک ہے لیکن عام بچوں کی نسبت کافی دیر بعد چلنے پھرنے کے قابل ہو گا۔ اب چند روز پہلے ایک اور ڈاکٹر کو دکھایا تو اس نے مایوسی کا اظہار کیا ہے۔ جواب: دماغ کے وہ خلیے جو اعصاب کی نشوونما کرتے ہیں اگر مادرِ شکم میں کمزور رہ جائیں تو اس قسم کی صورتحال پیش آتی ہے جس کا آپ نے تذکرہ کیا ہے۔ اس کا روحانی علاج یہ ہے:۔ دن میں تین مرتبہ سورۃ یٰسین کی آخری آیت 'انما امرہ اذا اراد شیئا ان یقول لہ کن فیکون' ایک مرتبہ پڑھ کر انگشتِ شہادت پر دم کریں اور انگلی سے پیشانی پر کراس بنا دیں۔ یہ عمل چالیس روز تک جاری رکھیں۔ انشاء اللہ بچے کی نشوونما بحال ہو جائے گی۔

وظیفہ مبارک و نقش

ترکیب و طریقہ کار