پس منظر، علامات اور روحانی حکمت

سوال: (سوال نمبر ۱۳۶ امیج ۴۹، ص ۱۷۰-۱۷۱)—محمد اقبال، کراچی: میرے بھائی کے ساتھ چند روز قبل ایک عجیب واقعہ پیش آیا۔ وہ میرے دفتر کی عمارت میں گھوم رہا تھا، اس کو ایک نادیدہ طاقت نے پانچ روپے دے دیئے... ایک عورت گود میں اٹھا کر زینہ پر لے گئی، زینہ پر خود کو ظاہر کر کے اس نے میرے بھائی سے کہا کہاں جا رہے ہو؟ اس نے خوفزدہ ہو کر جواب دیا، کہیں نہیں۔ اس شخص نے میرے بھائی کو پانچ روپے کا نوٹ دیا جس کو لینے سے اس نے انکار کر دیا۔ اس تاکید کے ساتھ کہ اس واقعہ کا تذکرہ کسی کے ساتھ نہ کرنا وہ شخص غائب ہو گیا۔ دوسرے روز میرا بھائی ایک رشتہ دار کے گھر گیا وہاں اس کو وہی شخصیت درخت پر نظر آئی۔ بھائی کا کہنا ہے کہ مجھے اس شخص کا چہرہ نظر نہیں آتا صرف نیچے کا دھڑ نظر آتا ہے جو رنگ میں ہرا ہے۔ ایک روز اس کو چھت پر سے بالکل نیا پانچ روپے کا نوٹ ملا جو وہ اٹھا کر لے آیا۔ میرا ذاتی خیال ہے کہ میرا بھائی جھوٹ بولتا ہے، مگر وہ روز بروز تیزی کے ساتھ کمزور ہوتا جا رہا ہے اور گم سُم بھی رہتا ہے۔ آپ سے درخواست کی جاتی ہے کہ اس سلسلے میں ہمیں کچھ پڑھنے کو بتائیں تاکہ پورے گھر کی پریشانی دور ہو۔ جواب: اس قسم کے واقعات پیش آتے رہتے ہیں اور اس کی وجہ عام طور پر دماغی اور شعوری کمزوری ہوتی ہے۔ رات کو جب آپ کا بھائی گہری نیند سو جائے تو اس کے قریب کھڑے ہو کر اتنی آواز سے کہ نیند خراب نہ ہو ایک مرتبہ سورۃ فلق پوری پڑھ کر سنا دیا کریں۔ یہ عمل اکیس روز تک جاری رکھیں اس کے بعد حالات سے مطلع کریں۔

وظیفہ مبارک و نقش

ترکیب و طریقہ کار