پس منظر، علامات اور روحانی حکمت

سوال: (سوال نمبر ۱۲۱ امیج ۴۴، ص ۱۶۱-۱۶۲)—میری بہن جس کی عمر ۲۹ سال ہے عرصہ سے گردوں کی بیماری میں مبتلا ہے۔ ڈاکٹر بلڈ یوریا بتاتے ہیں۔ ۶ ماہ پہلے اچانک تکلیف شروع ہوئی۔ یوریا زیادہ ہونے پر دل دھڑکنا شروع ہو جاتا ہے، الٹیاں ہونے لگتی ہیں اور پھر وہ بے ہوش ہو جاتی ہے۔ CMH میں علاج کے بعد راولپنڈی کے بڑے ڈاکٹروں نے کہا اس کا علاج پاکستان میں نہیں ہے، لندن لے جائیں۔ بہنوئی لندن لے گئے۔ وہاں پر ایک ماہ چھ دن رہنے کے بعد لندن کے ماہر ڈاکٹروں نے بتایا کہ اس کے دونوں گردے بالکل ختم ہو گئے ہیں، یعنی سکڑ کر چھوٹے ہو گئے ہیں۔ مشین سے خون صاف کیا اور ناف کے نیچے سوراخ کر کے پیٹ میں ٹیوب ڈال کر بھی خون صاف کیا (پیریٹونیل ڈائلیسس) اور کہا پاکستان چلے جاؤ، جب تکلیف ہو خون صاف کرایا کریں، دنیا میں اس کا کوئی حتمی علاج نہیں ہے۔ تین چھوٹے چھوٹے بچے ہیں، اولین فرصت میں علاج بتائیں۔ جواب (ص ۱۶۲): ڈاکٹروں کا کہنا صحیح ہے کہ گردے سکڑ گئے ہیں۔ اللہ تعالیٰ کی ذات پر یقین کے ساتھ علاج تجویز کیا جا رہا ہے: صبح سورج طلوع ہونے سے قبل ایک تولہ چار مغز بغیر نمک مرچ کی سل پر خوب اچھی طرح پیس کر کہ وہ میدہ کی طرح باریک ہو جائیں، قدرے پانی اور کوزہ مصری شامل کر کے ہلکا سا گرم کر کے اپنی ہمشیرہ صاحبہ کو نہار منہ پلائیں۔ ایک گھنٹہ تک کوئی چیز نہ کھائیں اور نہ پیئیں۔ ایک گھنٹہ کے بعد ناشتہ وغیرہ دیا جا سکتا ہے۔ ہر قسم کے گوشت، لال مرچ، نمک، پالک کا ساگ، گوبھی اور چاول سے مکمل طور پر پرہیز کریں۔ اللہ تعالیٰ رحیم و کریم ہیں۔ پوری طرح صحت بحال ہونے تک یہ علاج برقرار رکھیں۔ اکیس روز بعد مفصل حالات سے مطلع کیجئے!۔

وظیفہ مبارک و نقش

ترکیب و طریقہ کار