پس منظر، علامات اور روحانی حکمت

سوال: (سوال نمبر ۱۰۴ امیج ۳۴)—میری عمر ۱۸ سال ہے، فرسٹ ایئر سائنس میں پڑھ رہی ہوں۔ مسئلہ یہ ہے کہ میری دائیں آنکھ ٹیڑھی ہے، اس آنکھ سے مجھے نظر بھی کم آتا ہے۔ ایک آنکھ بھینگی ہونے کی وجہ سے قدرت کی طرف سے ملی ہوئی خوبصورتی بدصورتی میں تبدیل ہو گئی ہے، سخت احساسِ کمتری میں مبتلا ہوں۔ اپنی سہیلیوں کی خوبصورت آنکھوں کو بڑی حسرت سے دیکھتی ہوں۔ خدا سے رو رو کر دعا کرتی ہوں کہ اے خدا میری آنکھ ٹھیک کر دے یا مجھے اپنے پاس بلا لے۔ ورنہ میں بے موت مر جاؤں گی۔ (فوزیہ ناصر، کراچی) جواب: امتحان ختم ہو جانے کے بعد یہ کیجئے کہ متاثرہ آنکھ پر بالائی لگا کر باریک ململ کی ایک پٹی اس طرح باندھئے کہ دائیں آنکھ بند رہے۔ صبح پٹی باندھ کر رات کو پٹی کھول دیجئے اور رات کو بالائی لگانے کے بعد پٹی باندھ کر صبح کو کھول دیجئے۔ لیکن پٹی باندھتے وقت اور کھولتے وقت اندھیرا ہونا ضروری ہے۔ پٹی اتنی زور سے نہ باندھیں کہ آنکھ میں تکلیف ہو۔ منشا یہ ہے کہ آنکھ کے اوپر اتنا دباؤ رہے کہ پلک نہ جھپکے۔ یہ علاج اکیس (۲۱) روز تک کریں۔ انشاء اللہ آنکھ کا بھینگا پن دور ہو جائے گا۔ مناسب ہے کہ کسی ہوشیار معالج سے بھی مشورہ کر لیا جائے۔

وظیفہ مبارک و نقش

ترکیب و طریقہ کار