پس منظر، علامات اور روحانی حکمت

سوال: (سوال نمبر ۵۵ امیج ۲۰)—میں ایک سال سے خط لکھنے کی کوشش کر رہی ہوں۔ میرا قد ۵ فٹ ۹ انچ ہے، رنگ سانولا ہے، سر پر بال برائے نام ہیں، نقوش موٹے ہیں۔ اندر ہر وہ عادت ہے جسے معاشرے میں برا کہا جاتا ہے۔ بی اے پاس ہوں مگر ملازمت اس لیے نہیں کرتی کہ اندر غرور اور احساسِ برتری بہت زیادہ ہے، خصوصاً جب محبت کا جواب سرد مہری سے ملے۔ عبادت کی طرف توجہ کروں تو قدرت کے خلاف برے برے خیالات آتے ہیں اور لگتا ہے قدرت نے مجھے بے مقصد پیدا کیا ہے۔ جواب: سوچنے کا یہ انداز درست نہیں کہ قدرت نے کسی چیز کو بے مقصد بنایا ہے۔ ہوا میں زہریلا اثر پیدا ہو جائے تو انسان مر جائیں، قدرت اسے صاف کرنے کے لیے ننھے کیڑے پیدا کرتی ہے۔ جنگل میں کوئی جانور مر جائے تو مردار خور پرندوں کے بعد بڑے کیڑے پیدا ہوتے ہیں جن کا پس خوردہ چھوٹے کیڑے کھاتے ہیں اور زمین صاف ہو جاتی ہے۔ مکھی جس سے گھن آتی ہے، وہ ایسی غلاظتوں کو ختم کرتی ہے جن سے وبائیں پھیل سکتی ہیں۔ علاج: آپ نیند میں اتنی کمی کریں کہ ۲۴ گھنٹے میں زیادہ سے زیادہ ۴ گھنٹے سویا کریں۔ جب یہ عادت پختہ ہو جائے تو مسلسل ۴۸ گھنٹے جاگنے کا پروگرام بنائیں اور اس پر اتنی قدرت حاصل کریں کہ جب چاہیں ۴۸ گھنٹے جاگ سکیں۔ مسلسل ۴۸ گھنٹے بیدار رہنے کے بعد آپ پر یہ راز کھل جائے گا کہ آپ کو کس مقصد کے لیے پیدا کیا گیا ہے، اور آپ کا شمار ان لوگوں میں ہونے لگے گا جن کی زندگی خود قدرت کا ایک راز ہے۔

وظیفہ مبارک و نقش

ترکیب و طریقہ کار