پس منظر، علامات اور روحانی حکمت

سوال: عظیمی صاحب! طرزِ فکر کیا ہوتی ہے؟ جواب: ایک آدمی آنکھوں پر چشمہ نہیں پہنتا وہ جو کچھ دیکھتا ہے براہِ راست دیکھتا ہے۔ دوسرا آدمی چشمہ لگاتا ہے، وہ جو کچھ دیکھ رہا ہے اس کے دیکھنے میں گلاس میڈیم بن جاتا ہے۔ اب اسی مثال کو اور زیادہ گہرائی میں بیان کیا جائے تو اس طرح کہا جائے گا کہ عینک میں اگر سرخ رنگ کا گلاس ہے تو ہر چیز سرخ نظر آئے گی، نیلا گلاس ہے تو ہر چیز نیلی نظر آئے گی۔ جس طرح انسانی تقاضے اور انسان کی نظر لوحِ محفوظ پر نقش ہے۔ اسی طرح شیشہ اور شیشے کی تمام صلاحیتیں بھی لوحِ محفوظ پر نقش ہیں۔ جب ہم کسی رنگین شیشے کو اپنا میڈیم بنائیں گے تو نظر وہی دیکھے گی جو ہمیں شیشہ دکھائے گا۔ طرزِ فکر دو طرح کام کرتی ہے: ایک بالواسطہ اور ایک براہِ راست۔ روح اور باطنی علوم دراصل استاد کی طرزِ فکر کو اپنے اندر منتقل کرنے کا نام ہے۔ امام غزالیؒ کا ایک واقعہ ہے کہ وہ اپنے وقت کے یگانہ روزگار عالم تھے لیکن باطنی سکون کی تلاش میں جب حضرت ابوبکر شبلیؒ کی خدمت میں حاضر ہوئے تو حضرت شبلیؒ نے فرمایا: 'غزالی! آ گیا؟ تو نے بہت وقت ضائع کر دیا'۔ شریعت میں علم پہلے ہے عمل بعد میں، اور طریقت میں عمل پہلے ہے علم بعد میں۔ حضرت شبلیؒ نے فرمایا کہ بازار میں جاؤ، ایک بوری کھجوریں تقسیم کرو اور اعلان کرو کہ جو میرے سر پر ایک چپت لگائے گا اسے ایک کھجور ملے گی۔ تین سال تک امام غزالیؒ نے یہ خدمت کی، جس کے نتیجے میں ان کی انا (Ego) ختم ہو گئی اور باطنی طرزِ فکر منتقل ہو گئی۔

ترکیب و طریقہ کار

احتیاط و قواعد