پس منظر، علامات اور روحانی حکمت

سوال: عقیدہ خراب ہونے، خدا اور رسول کی شأن میں غیر اختیاری وسوسے اور مذہب سے بیزاری آنے کا علاج۔ جواب: عقیدہ جب خراب ہو جاتا ہے تو انسان کے دماغ میں ایسے وسوسے اور خیالات آنے لگتے ہیں جن میں خدا، رسول اور مذہب سے بیزاری پائی جاتی ہے اور یہ بیزاری غیر اختیاری ہوتی ہے۔ عقیدے کی خرابی اور ضمیر کی ملامت سے نظر نہ آنے والا ایک متعفن پھوڑا باطن میں پیدا ہو جاتا ہے جس کی وجہ سے آدمی اتنا بے چین ہو جاتا ہے کہ اس کی مثال بڑی سے بڑی بیماری میں بھی نہیں ملتی۔ اللہ تعالیٰ ہم سب کو اپنے حفظ و امان میں رکھے۔ آپ کو ایک وظیفہ لکھا جا رہا ہے، توجہ اور یکسوئی کے ساتھ اس پر عمل کریں۔ دھلے ہوئے کھدر یا لٹھے کا ایک کرتا سلوا یا جائے۔ یہ کرتا سارے جسم پر ایک ایک بالشت زائد ہو اور ٹخنوں تک پہنچتا ہو، آستینیں بھی ایک ایک بالشت کھلی ہوں۔ کسی ایسے کمرے میں جس میں اندھیرا ہو (اگر اندھیرا نہ ہو تو کر لیا جائے) یہ کرتا پہن کر ۱۵ منٹ تک ٹہلتے اور ٹہلتے وقت ”الحمد لله رب العالمين الرحمن الرحيم مالک يوم الدين“ پڑھتے رہیں۔ ۱۵ منٹ کے بعد اندھیرے ہی میں کرتا اتار کر تہہ کر کے اسی کمرے میں کسی محفوظ جگہ رکھ دیں۔ جب تک عقائد درست نہ ہوں اس وقت تک یہ عمل کیا جائے۔ صرف اندھیرا شرط ہے۔

وظیفہ مبارک و نقش

ترکیب و طریقہ کار

احتیاط و قواعد