پہلے یہ حقیقت تسلیم کریں کہ: ''کشش رنگ میں نہیں، اندر میں ہے۔ اندر میں کشش پیدا ہو جائے تو ہر رنگ پُرکشش ہو جاتا ہے۔''
صبح کے وقت نکلتے ہوئے سورج کے سرخ رنگ پر کھلی آنکھوں سے ایک منٹ تک نظر جمائیے۔
اس کے بعد آرام دہ نشست میں بیٹھ کر آنکھیں بند کر لیجئے۔ جو کچھ آپ نے کھلی آنکھوں سے دیکھا تھا، بند آنکھوں سے ۳ منٹ تک اس کا تصور کیجئے۔
اس عمل کی کل مدت ۲۹ روز ہے۔
روزانہ صبح کے وقت چڑیوں اور پرندوں کے پینے کے لئے پانی اور کھانے کے لئے باجرہ رکھا کریں۔
رات کو سونے سے پہلے کتاب ''خاتم النبیین محمد رسول اللہ صلی اللہ علیہ وسلم، جلد اول'' پڑھ کر تفکر کرتے ہوئے سو جائیں۔
جب کتاب ایک بار ختم ہو جائے تو اسے دوبارہ بار بار پڑھیں تاکہ سیرتِ طیبہ ذہن میں گہرائی سے نقش ہو جائے۔ نبی آخر الزماںؐ کے ذکرِ خیر سے دل پرسکون اور انسان کے اندر بے پناہ کشش پیدا ہو جاتی ہے۔

سورج کے سرخ رنگ پر نظر صرف ایک منٹ جمائیں، ۳ منٹ تصور کریں؛ ۲۹ روز پابندی کریں؛ پرندوں کو دانہ پانی دیں اور رات کو سیرت کا مطالعہ کریں۔