صبح سویرے بیدار ہو کر وضو کیجئے۔ سردی ہو تو ہاتھ اور چہرہ نیلے رنگ کے تولیے سے خشک کر کے شمال رخ بیٹھ کر آنکھیں بند کر لیجئے۔
بہت ملائم کپڑا یا شیفون کا دوپٹہ آنکھوں پر اس طرح باندھ لیجئے کہ پپوٹوں پر ہلکا دباؤ رہے۔
اب درودِ خضری پڑھتے پڑھتے یہ تصور کیجئے: ''میں ایک باغ میں ہوں جہاں ہر طرف گلاب کے پھول کھلے ہوئے ہیں۔''
انشاء اللہ— جب چند ہفتوں میں تصور قائم ہو جائے تو گہرے لمبے سانس لیجئے، بھینی بھینی خوش بو آئے گی اور کمرہ مہک جائے گا۔ خوش بو اتنی تیز ہو گی کہ گھر میں دوسرے افراد بھی حواس میں لطافت محسوس کریں گے۔
خوش بو قائم ہونے کے بعد یہ تصور کیجئے: ''میں سرخ رنگ کا گلاب ہوں اور گلاب کے چاروں طرف مرکری روشنی ہے۔''
چار سے پانچ ہفتوں میں جب آپ مرکری روشنی سے مانوس ہو جائیں گی تو یہ روشنی ایک حسین روپ میں ظاہر ہو گی۔ آپ اس سے پوچھئے کہ مجھے پُرکشش اور خوب صورت ہونے کے لئے کیا کرنا چاہیے۔ جو کچھ وہ بتائے، اس پر عمل کرنے سے آپ دنیا کے پُرکشش اور انتہائی خوب صورت لوگوں میں شمار ہوں گی۔

شمال رخ بیٹھنا اور پپوٹوں پر ملائم کپڑے کا ہلکا دباؤ رکھنا ضروری ہے۔