بنیادی طریقہ: رات کو سونے سے پہلے گھڑی دیکھ کر 11 بج کر 11 سیکنڈ پر لکڑی کی پیڑی یا چوکی پر شمال رخ بیٹھ جائیں اور وضو کریں۔ تخت کے اوپر یا زمین پر دری یا چادر بچھا کر اس طرح لیٹ جائیں کہ پیر شمال کی جانب رہیں۔ دونوں ہاتھ سینے پر رکھ کر آنکھیں بند کر لیں اور یہ تصور کریں کہ گردن سے ناف تک پیٹ کے اوپر صاف شفاف سفید رنگ کھلے منہ کی ایک بوتل رکھی ہوئی ہے۔ اس بوتل میں روشنی بھری ہوئی ہے۔ ذہن کی پوری طاقت سے بوتل میں اس روشنی کو گھمائیں۔
۱۔ معاشی درماندگی، بدحالی اور پریشانی دور کرنے کے لئے: جار میں زرد رنگ روشنیوں کو گھمائیں، روشنیوں کو گھمانے کا وقفہ ۱۰ منٹ کافی ہے۔
۲۔ ایسے میاں بیوی جو بے اولاد ہیں اور کسی بھی قسم کے علاج سے ان کی مراد پوری نہ ہوتی ہو: جار میں بینگنی رنگ کی روشنیوں کو گھمائیں۔ روشنیوں کو گھمانے کا وقفہ ۱۵ منٹ ہے۔
۳۔ احساسِ کمتری میں مبتلا خواتین و حضرات: بوتل یا جار میں نیلی روشنیوں کو گھمائیں۔ یہ دماغی کمزوری اور ذہنی پسماندگی کا بھی موثر علاج ہے۔
۴۔ لڑکیوں کی شادی: پہلے معیارِ زندگی کے عفریت سے خود کو آزاد کر کے بوتل یا جار میں ۵ منٹ جامنی رنگ کی روشنی کو گھمائیں اور ۵ منٹ نارنجی روشنیوں کو گردش دیں۔
۵۔ طالبات اور طلباء فہم و فراست میں اضافہ اور ذہن روشن کرنے کے لئے: بوتل میں آسمانی رنگ کی روشنیوں کو گھمائیں (نوٹ: یہ عمل ۱۷ سال سے کم عمر طلباء نہ کریں؛ ۱۷ سال سے کم عمر بچے عشاء کے بعد اول و آخر ۱۱ بار درود شریف کے ساتھ ۱۰۰ بار 'یا علیمُ' پڑھ کر دعا کریں)۔
۶۔ حرص اور لالچ سے نجات پانے کے لئے: بوتل یا جار میں سنہری رنگ کی روشنیوں کو گردش دیں، اس کے لئے ۱۴ منٹ کا وقفہ کافی ہے۔
۷۔ اعصابی ٹوٹ پھوٹ کو کنٹرول کرنے کے لئے: بوتل یا جار میں ۵ منٹ نیلی روشنیوں کو گھمائیں اور ۵ منٹ سبز روشنیوں کو گردش دیں۔ نروس بریک ڈاؤن اگر لو بلڈ پریشر کی وجہ سے ہو تو پہلے ۵ منٹ بوتل میں سرخ رنگ روشنیوں کو گھمائیں اور پھر ۵ منٹ گہری نیلی روشنیوں کو گردش دی جائے۔
۸۔ بڑھے ہوئے پیٹ کو کم کرنے اور موٹاپا کم کرنے کے لئے: بوتل یا جار میں سیاہ رنگ روشنیوں یعنی رات کی تاریکی کو گردش دیں۔ اس علاج کا وقفہ ۱۵ منٹ ہے۔

۱۷ سال سے کم عمر طلبہ و طالبات پانچویں نمبر کا عمل نہ کریں بلکہ سو بار یا علیم کا ورد کریں۔ لو بلڈ پریشر والے مریض اعصابی ٹوٹ پھوٹ میں پہلے سرخ اور پھر گہری نیلی روشنی استعمال کریں۔