فجر کی نماز باجماعت پڑھ کر ۳۰ منٹ صبح کی سیر کیجئے۔
پھر کسی درخت کے تنے کے ساتھ کھڑے ہو جایئے اس طرح کہ پشت بالخصوص کمر درخت کے تنے سے مس ہو۔
آنکھیں بند کر کے تصور کیجئے کہ درخت کیا کرتا ہے۔ آندھی ہو یا طوفان، شاخیں جھولتی ہیں، پتے گرتے ہیں لیکن درخت کا مزاج تبدیل نہیں ہوتا، وہ فطرت پر قائم رہتا ہے۔ مسافروں کے لئے سایہ دار اور پرندوں کے لئے سرائے ہے۔ بارش نہ ہو تو جڑیں زمین میں پانی تک پہنچنے کا راستہ بنا لیتی ہیں۔ اللہ نے جو توانائی درخت کو عطا کی ہے، اس سے زیادہ آپ کو عطا کی ہے۔
۱۰ منٹ تنے کے ساتھ کھڑے ہو کر سنئے کہ درخت کیا کہتا ہے اور کیا کرتا ہے۔ آپ بھی وہی کیجئے۔
گھر جا کر سونے کے بجائے فوری کام شروع کیجئے۔ علاج کی مدت ۴۰ روز ہے۔
خیال رہے کہ درخت ایک ہی ہو اور ۴۰ دن میں ایک بھی ناغہ نہ ہو ورنہ اگلا روز اول شمار ہو گا۔ نظام الاوقات بنائیں اور سونے سے پہلے روزانہ ڈائری لکھیں کہ ذہن میں کیا تاثرات قائم ہوئے۔

درخت ایک ہی مخصوص ہو؛ مسلسل ۴۰ دن بغیر ناغہ کریں؛ گھر آ کر سونے کی سخت ممانعت ہے؛ رات کو ڈائری لکھیں۔